22 сакавіка 2019 года, у пятніцу другой сядміцы Вялікага посту, сястрыцтва Свята-Пакроўскага кафедральнага сабора горада Гродна парадавала прыхаджанаў “жаўрукамі”. Печаныя птушачкі з поснага цеста традыцыйна гатуюць да свята сарака мучанікаў Севастыйскіх. У хрысціянскай традыцыі яны сімвалізуюць душы мучанікаў, якія ляцяць да Бога, а песня гэтых птушак – малітву Севасційскіх мучанікаў да Бога.

16 сакавіка 2019 года ў “Дзень Праваслаўнай кнігі” дзеці з аб’яднання па інтарэсах “Асновы праваслаўнай культуры” разам са сваім кіраўніком Свістун В.Б. пабывалі на экскурсіі ў Пакроўскім кафедральным саборы і прыходскай бібліятэцы.

З 7 па 10 сакавіка 2019 года паломніцкай службай Свята-Пакроўскага кафедральнага сабора горада Гродна была арганізавана паездка: Опціна пустынь-Шамардзіно-Клыкава. Уражанні ад удзельнікаў:

10 сакавіка 2019 года сустрэчу ў Універсітэце сямейных ведаў «Радзіна» пры Свята-Пакроўскім кафедральным саборы правяла рэгент Архірэйскага хору Юлія Шэпелева. Тэма гутаркі: "Вядзенне хатняй гаспадаркі. Карысныя практыкі і парады. Кухня (падрыхтоўка поснай ежы)".

Па благаславенні мітрапаліта Мінскага і Заслаўскага Паўла, Патрыяршага Экзарха ўсяе Беларусі, 7 сакавіка 2019 года ў Нацыянальнай бібліятэцы Беларусі г. Мінска, адбылося святкаванне Дня праваслаўнай кнігі, прысвечанага ў гэтым годзе 180-годдзю Полацкага сабора 1839 года.

Арганізатары мерапрыемства – Выдавецкая рада Беларускай Праваслаўнай Царквы, Міністэрства культуры Рэспублікі Беларусь, Міністэрства адукацыі Рэспублікі Беларусь, Нацыянальная бібліятэка Беларусі, Свята-Елісавецінскі жаночы манастыр.