Падыходзіць да канца сырная нядзеля. На календары 29 лютага 2020 года. Дзень, які прыходзіць да нас раз на чатыры гады і заўсёды запамінаецца надоўга. Для Свята-Сафійскага маладзёвага брацтва Свята-Пакроўскага кафедральнага сабора горада Гродна ён таксама не стаў выключэннем. Роўна ў 8:30 раніцы маладзёвая група сустракала гасцей з Мінска. У гэты апошні дзень зімы Гродзенскую зямлю наведаў маладзёвы рух “AGIOS” сумесна з дзіцячай капэлай Усіхсвяцкага храма г. Мінска. Такі ранні прыезд гасцей прадвызначыў толькі адно – гэта будзе самы прадукцыйны і энергічны дзень!

17 студзеня 2020. Вечар у маладзёвага Свята-Сафійскага брацтва пры Свята-Пакроўскім кафедральным саборы горада Гродна выдаўся асаблівым і запамінальным. У апошнія дні калядак сафійцы наведалі дом-інтэрнат для састарэлых і людзей з псіха-фізічнымі адхіленнямі (в. Сколабава). Цемра, туман і неасветленая дарога не змаглі стрымаць імпэт і жывасць у кожным братчыку перад надыходзячым канцэртам.

6 кастрычніка 2019 года сафійскае маладзёвае брацтва пры Свята-Пакроўскім кафедральным саборы горада Гродна адправілася ў дзіўнае падарожжа – паломніцтва ў Свята-Успенскі манастыр у Жыровічах і Мінскую Духоўную семінарыю. Бо для таго, каб наведаць утульнае, ціхае месца з багатай гісторыяй, не абавязкова адпраўляцца за тысячы кіламетраў. Па дарозе мы маліліся, размаўлялі, шмат спявалі, гулялі ў гульні – словам, добра і лёгка правялі час у дарозе.

22 верасня 2019 года ў сценах Свята-Пакроўскага кафедральнага сабора г. Гродна адбылася значная падзея: Сафійскае маладзёвае брацтва адзначыла свой дзень нараджэння. 18 год таму па благаславенні Высокапраасвяшчэннейшага Арцемія, архіепіскапа Гродзенскага і Ваўкавыскага, брацтва ўзнавіла сваю дзейнасць, захаваўшы пераемнасць традыцый былога Свята-Сафійскага брацтва.

3 красавіка 2019 года ў Свята-Вольгінскай царкве пры кафедральным саборы горада Гродна адбылася Літургія Ранейасвячоных Дароў з удзелам двух хароў: хора Свята-Сафійскага маладзёвага брацтва і мужчынскага складу хору Свята-Уладзімірскай царквы.