21 сакавіка 2021, пасля заканчэння літургіі ў Свята-Вольгінскам храме Пакроўскага сабора духаўнік нядзельнай школы протаіерэй Уладзімір Пятручык ўрачыста павіншаваў калектыў дзіцячага хору прыходскай школы, уручыў дыпломы за ўдзел у міжнародных конкурсах. Асобна айцец Уладзімір падзякаваў за старанную працу кіраўніцу калектыву Лізавету Айкян і канцэртмесцера Святлану Пятляк.

7 студзеня 2021 года дзiцячы хор "Саборныя Верабейкі" пад кіраўніцтвам матухны Лізаветы Айкян прыняў удзел у канцэрце ў рамках фестывалю "Гайнаўскія сустрэчы з праваслаўнай калядой 2021". Конкурс, які праходзіць ужо больш за 20 гадоў, пачынаючы з 1998 года прайшоў у онлайн варыянце ў сетцы ютуб, але дыплом за ўдзел калектыў атрымаў у рэальнасці. Узнагарода дайшла да калектыву толькі сакавіку.

Віншаванне ад дзіцячай харавой студыі Свята-Пакроўскага кафедральнага сабора горада Гродна на Вербную нядзелю. “Вербачка” – муз. А. Грачанінава, словы – А. Блок

Пеўчая студыя “Саборныя верабейкі” пры нядзельнай школе Свята-Пакроўскага кафедральнага сабора г. Гродна пад упраўленнем рэгента Лізаветы Айкян стаў уладальнікам звання Лаўрэата ІІІ ступені ХХІ Маскоўскага міжнароднага дзіцяча-юнацкага конкурсу на найлепшае выкананне духоўнай музыкі “Калядная песня”, які прайшоў у Маскоўскім доме кампазітараў 15 студзеня 2020 года ў межах Маскоўскага міжнароднага музычнага фестывалю “Мы за мір!”, прысвечанага 75-годдзю перамогі ў Вялікай Айчыннай вайне.