Детская певческая студия "Соборные воробушки"

Пеўчая студыя "Саборныя верабейкі"

З 2000 года пры Нядзельнай школе Свята-Пакроўскага сабора быў арганізаваны дзіцячы хор для спеваў у часе набажэнстваў для выхаванцаў нядзельнай школы. З 2016 года хор пераўтвораны ў дзіцячую пеўчую студыю “Саборныя верабейкі”. Маладзёвы ансамбль (14-18 год) і дзіцячы малодшы хор (7-13 год) фарміруюцца з навучэнцаў нядзельнай школы.

У нядзельнай школе адзначылі поспехі дзіцячага хору на міжнародных конкурсах

21 сакавіка 2021, пасля заканчэння літургіі ў Свята-Вольгінскам храме Пакроўскага сабора духаўнік нядзельнай школы протаіерэй Уладзімір Пятручык ўрачыста павіншаваў калектыў дзіцячага хору прыходскай школы, уручыў дыпломы за ўдзел у міжнародных конкурсах. Асобна айцец Уладзімір падзякаваў за старанную працу кіраўніцу калектыву Лізавету Айкян і канцэртмесцера Святлану Пятляк.

Дзіцячы хор Пакроўскага сабора стаў лаўрэатам міжнароднага конкурсу "Рождественская песнь" (Масква)

У лютым 2021 дзіцячы хор "Саборныя Верабейкі" нядзельнай школы Свята-Пакроўскага кафедральнага сабора г. Гродна пад кіраваннем рэгента Лізаветы Айкян стаў уладальнікам звання Лаўрэата II і III ступеняў XXII Маскоўскага міжнароднага конкурсу на лепшае выкананне духоўнай музыкі «Рождественская песнь». Завочна ў конкурсе прынялі ўдзел больш за 200 калектываў розных узроставых катэгорый з Расіі і іншых краін.

Дзiцячы хор Пакроўскага сабора атрымаў дыплом за ўдзел у канцэрце ў рамках фестывалю "Гайнаўскiя сустрэчы з праваслаўнай калядой"

7 студзеня 2021 года дзiцячы хор "Саборныя Верабейкі" пад кіраўніцтвам матухны Лізаветы Айкян прыняў удзел у канцэрце ў рамках фестывалю "Гайнаўскія сустрэчы з праваслаўнай калядой 2021". Конкурс, які праходзіць ужо больш за 20 гадоў, пачынаючы з 1998 года прайшоў у онлайн варыянце ў сетцы ютуб, але дыплом за ўдзел калектыў атрымаў у рэальнасці. Узнагарода дайшла да калектыву толькі сакавіку.

Уладыка Арцемій пагаварыў з выхаванцамі пеўчай студыі “Саборныя верабейкі”

15 сакавіка 2020 года, у Нядзелю 2-ю Вялікага посту, дзень памяці свяціцеля Грыгорыя Паламы, у Свята-Пакроўскім кафедральным саборы горада Гродна Уладыка Арцемій пагаварыў з выхаванцамі пеўчай студыі “Саборныя верабейкі”.

Дзіцячы хор Пакроўскага сабора стаў лаўрэатам міжнароднага конкурсу ў Маскве

Пеўчая студыя “Саборныя верабейкі” пры нядзельнай школе Свята-Пакроўскага кафедральнага сабора г. Гродна пад упраўленнем рэгента Лізаветы Айкян стаў уладальнікам звання Лаўрэата ІІІ ступені ХХІ Маскоўскага міжнароднага дзіцяча-юнацкага конкурсу на найлепшае выкананне духоўнай музыкі “Калядная песня”, які прайшоў у Маскоўскім доме кампазітараў 15 студзеня 2020 года ў межах Маскоўскага міжнароднага музычнага фестывалю “Мы за мір!”, прысвечанага 75-годдзю перамогі ў Вялікай Айчыннай вайне.

Старонкі

Subscribe to RSS - Детская певческая студия "Соборные воробушки"