7 красавіка 2019 года ў Універсітэце сямейных ведаў «Радзіна» пры Свята-Пакроўскім кафедральным саборы горада Гродна адбылася адукацыйная гутарка: "Прафілактыка суіцыдальных паводзін дзяцей і падлеткаў". Лектарам выступіла дацэнт кафедры педагогікі і псіхалогіі дзяцінства ГрДУ ім. Янкі Купалы, кандыдат педагагічных навук Марына Салтыкова-Ваўковіч.

7 красавіка, ў Нядзелю 4-ю Вялікага посту, свята Благавешчання Прасвятой Багародзіцы,  Бажэственную літургію ў Свята-Вольгінскай царкве пры Пакроўскім саборы горада Гродна здзейсніў духаўнік нядзельнай школы іерэй Аляксей Саўко. З нагоды свята настаўнікі і выхаванцы прыходскай школы падрыхтавалі сімвалічны пачастунак.

1 красавіка 2019 года сацыяльная служба Свята-Пакроўскага сабора горада Гродна, акрамя вячэры, арганізавала для насельнікаў ДУ “Гродзенскі гарадскі дом начнога перабывання асоб без пэўнага месца жыхарства”  размову на тэму Вялікага посту і малітвы. З вясны 2019 года дастаўка харчавання бяздомным па выходных днях стала пастаяннай справай сацыяльнай службы кафедральнага сабора ва ўзаемадзеянні з сястрыцтвам імя святой Юліяніі Гальшанскай.

1 красавіка 2019 года іерэй Міхаіл Перац, духаўнік праваслаўнага таварыства цвярозасці “Пакроўскае” кафедральнага сабора горада Гродна, разам з братчыкамі правялі адкрыты выязны сход на прыходзе храма Архангела Міхаіла ў горадзе Ліда. Мэтай візіта было падзяліцца досведам станаўлення таварыства і працы з залежнымі і сузалежнымі па праграме барацьбы са страсцямі, заснаванай на спадчыне святых айцоў.

31 сакавіка 2019 года ва Універсітэце сямейных ведаў “Радзіна” пры Свята-Пакроўскім кафедральным саборы горада Гродна тэарэтычнымі ведамі і практычным досведам з бацькамі-прыхаджанамі падзялілася ўрач, кіраўнік сямейнага цэнтра “Рамонак”  і выкладчык МРП Наталля Жалезная. Тэма размовы – "Сіндром падвышанай узбудлівасці і гіперактыўнасці. Няздольнасць доўга канцэнтравацца. Дэфіцыт увагі. Што рабіць? Як прадухіліць? Энурэз ў дзіцячым узросце".