8 верасня 2019 года настаяцель Свята-Пакроўскага кафедральнага сабора горада Гродна, кіраўніцтва і педагогі прыходскай нядзельнай школы сустрэліся з бацькамі-прыхаджанамі. Пасля азнаямляльнай размовы ў актавай зале бацькам паказалі класы, у якіх непасрэдна і ствараецца неабходная атмасфера хрысціянскіх зносінаў як для дзяцей, так і для дарослых.

З 30 жніўня па 1 верасня 2019 года праваслаўны сямейны клуб “Адраджэнне” пры Свята-Марфінскай царкве горада Гродна арганізаваў у в. Парэчча VIIІ летні сямейны лагер. Працу злёту ўзначаліў каардынатар Гродзенскай епархіі па пытаннях сям’і, абароны мацярынства і дзяцінства іерэй Аляксандр Гук.

28 жніўня 2019 г. Успенне Прасвятой Багародзіцы. Утраня з чынам пахавання Прасвятой Багародзіцы ў Свята-Пакроўскім кафедральным саборы г.Гродна. Духаўнік Гродзенскай епархіі протаіерэй Андрэй Бандарэнка.

Напярэдадні свята Успення Прасвятой Уладычыцы нашай Багародзіцы і Вечнадзевы Марыі ўсяночнае трыванне з вынасам плашчаніцы Маці Божай у Свята-Пакроўскім кафедральным саборы горада Гродна ўзначаліў Высокапраасвяшчэннейшы Арцемій, архіепіскап Гродзенскі і Ваўкавыскі.

"Весела пра сумнае" — новы праект на ютубканале Свята-Пакроўскага кафедральнага сабора г. Гродна. У межах гэтага праекта прапануецца стварэнне кароткаметражных фільмаў, якія ў форме вясёлых і смешных прытчаў будуць падымаць і раскрываць царкоўныя і грамадскія праблемы.