20 лютага 2019 года ў Свята-Пакроўскім кафедральным саборы горада Гродна пасля Боскай літургіі духаўнік Гродзенскай епархіі, кампазітар, протаіерэй Андрэй Бандарэнка ўзначаліў служэнне малебну аб паспяховым пачатку і правядзенні ХVIII Міжнароднага фестывалю праваслаўных песнапенняў “Каложскі Благавест”. Айцу Андрэю саслужылі: протаіерэй Уладзімір Барысевіч, протаіерэй Уладзімір Пятручык, іерэй Аляксій Саўко, іерэй Павел Каспяровіч і протадыякан Дзімітрый Шэпелеў.

18 лютага 2019 года ў актавай зале Пакроўскага кафедральнага сабора адбыўся кіналекторый. Лекторый традыцыйна правёў глава маладзёвага аддзела Гродзенскай епархіі протаіерэй Вячаслаў Гаплічнік. Тэма сустрэчы, як і аднайменнага фільма, – “Праваслаўе ў Японіі”. Вы калі-небудзь справабалі растлумачыць сляпому, што такое чырвоны колер? А глухому – што такое нота “мі” другой актавы? Нават калі не спрабавалі, то паспрабуйце ўявіць. Толькі так вам удасца зразумець задачу, што стаяла перад свц. Мікалаем Японскім.

17 лютага 2019 года, у Нядзелю пра мытара і фарысея, “назарэі” праваслаўнага таварыства цвярозасці “Пакроўскае” кафедральнага сабора горада Гродна маліліся, спавядаліся і прычашчаліся ў храме Свяціцеля Ціхана (м-н Дзевятоўка). Братчыкі таварыства на чале з духаўніком іерэем Міхаілам Перцам пасля таінства Еўхарыстыі падзяліліся досведам цвярозасці і цверазення з мясцовай абшчынай прыхода Хрыстовага Нараджэння. Пасля прэзентацыі духаўнік і члены ПТЦ “Пакроўскае” адказалі на пытанні прыхаджанаў.

11 лютага 2019 года ў будынку нядзельнай школы Свята-Пакроўскага кафедральнага сабора горада Гродна адбыўся арганізацыйны сход з нагоды падрыхтоўкі і правядзення ХVIII Міжнароднага фестывалю праваслаўных песнапенняў “Каложскі Благавест”.

Сённяшні нядзельны дзень, дарагія браты і сёстры, ёсць днём памінання ўсіх навамучанікаў і вызнаўцаў, забітых у ХХ стагоддзі ў перыяд страшных ганенняў на Рускую Праваслаўную Царкву.

Асаблівай выключнасцю вызначаецца шлях Праваслаўнай Царквы пасля 1917 года. Вырачаная ўладамі на поўнае знішчэнне, калі Праваслаўе ў поўным сэнсе гэтага слова выкарчоўвалася, яна працяглы час перажывала такія жорсткія ганенні, якія могуць параўнацца толькі з ганеннямі першых стагоддзяў хрысціянства. Здавалася, Царкве ўжо няма месца на зямлі.