16 лістапада 2019 года клірык Свята-Пакроўскага кафедральнага сабора горада Гродна, каардынатар Гродзенскай епархіі па працы з алка- і нарказалежнымі людзьмі, іерэй Павел Каспяровіч прыняў удзел ва ўрачыстым адкрыцці чэмпіянату свету па гіравым спорце, якое адбылося ў цэнтральным спартыўным комплексе “Нёман”.

10 лістапада 2019 года ва Універсітэце сямейных ведаў “Радзіна” пры Свята-Пакроўскім кафедральным саборы горада Гродна адбылася адукацыйная размова “Фарміраванне ў сям’і здаровага ладу жыцця на аснове маральных паводзінаў”. Лектарам выступіла дацэнт кафедры педагогікі і псіхалогіі дзяцінства ГрДУ імя Янкі Купалы, кандыдат педагагічных навук Марына Салтыкова-Ваўковіч.

7 лістапада 2019 года іерэй Міхаіл Перац, духаўнік праваслаўнага таварыства цвярозасці “Пакроўскае” пры кафедральным саборы горада Гродна, браты і сёстры абшчыны ажыццявілі паломніцкую паездку ў Беласток. Тут, у Свята-Мікольскім храме, пакояцца мошчы святога мучаніка дзіцяткі Гаўрыіла. Да 1992 года святыня знаходзілася ў нашым Пакроўскім саборы.

4 лістапала 2019 года ў дзень ушанавання Маці Божай дзеля Казанскай Яе іконы Боскую літургію ў Свята-Пакроўскім кафедральным саборы горада Гродна ўзначаліў мітрафорны протаіерэй Аляксандр Наздрын. Духаўніку епархіі саслужылі настаяцель, духавенства храма і сыны: айцы Андрэй і Цімафей Наздрыны.

1 лістапада 2019 года ў актавай зале Свята-Пакроўскага сабора горада Гродна, па благаславенні архіепіскапа Гродзенскага і Ваўкавыскага Арцемія, лекцыю-размову правёў вядомы ўрач-псіхатэрапеўт, дырэктар праваслаўнага цэнтра медыка-сацыяльнай рэабілітацыі “Падзвіжнік”, аўтар метаду маральна-арыентаванай псіхатэрапіі Вячаслаў Уладзіміравіч Бараўскіх (г. Екацярынбург). Арганізатарам выступіў Праваслаўны клуб шматдзетных сем’яў “Адраджэнне”.