29 снежня 2019 года ва Універсітэце сямейных ведаў “Радзіна” пры Свята-Пакроўскім кафедральным саборы горада Гродна тэматычную сустрэчу “Свяціцель Лука (Война-Ясянецкі) пра выхаванне дзяцей” правёў шматдзетны бацька, іерэй Міхаіл Перац.

22 снежня 2019 года паломніцкай службай Свята-Пакроўскага кафедральнага сабора горада Гродна была ажыццёўлена паездка па маршруце в. Станькава, храм Свяціцеля Мікалая – магіла блажэннай Валянціны Мінскай – Свята-Елісавецінскі манастыр (г. Мінск) – Свята-Духаў кафедральны сабор (г. Мінск).

21 і 22 снежня 2019 года ў нядзельнай школе пры Свята-Пакроўскім кафедральным саборы горада Гродна адбыліся майстар-класы для дзяцей і бацькоў. 21 снежня педагог і мастак Ашурка Надзея Ігараўна прапанавала ўдзельнікам змешаную тэхніку: жывапіс і пластылінаграфія.

17 снежня 2019 года ў Храме Хрыста Збаўцы члены журы падвялі вынікі ХV Міжнароднага конкурсу дзіцячай творчасці “Прыгажосць Божага свету”. Узначаліў падвядзенне вынікаў старшыня Сінадальнага аддзела рэлігійнай адукацыі і катэхізацыі мітрапаліт Растоўскі і Новачаркаскі Меркурый. У намінацыі “Праваслаўная ікона” 1-е месца – Мусатава Аліна (16 год), “Багалюбская ікона Маці Божай”, Дзіцячая іканапісная студыя “Пакроў” пры кафедральным саборы горада Гродна.

15 снежня 2019 года ў кінаклубе Свята-Пакроўскага сабора адбыўся прагляд і абмеркаванне фільма “Зорачкі на зямлі” – індыйскі драматычны фільм 2007 года, рэжысёрскі дэбют Ааміра Хана. Сюжэт фільма наступны. Маленькі хлопчык (8 год) Ішан Авасці з нараджэння крыху адрозніваецца ад іншых дзяцей. Яму даецца з цяжкасцю тое, што ў многіх атрымліваецца вельмі лёгка. Свет не разумее гэта дзіця, як і яго ўласныя бацькі. Калі Ішан у трэці раз правальвае экзамены ў школе, яго бацька ў пакаранне адпраўляе хлопчыка ў школу-інтэрнат. Адзінота губіць дзіцё, ён асуджае сябе за расстанне з бацькамі, але і ім не можа дараваць.