28 студзеня 2020 года ў Маскве, у Савеце Федэрацыі прайшло ўзнагароджанне пераможцаў Усерасійскага конкурсу “За маральны подзвіг настаўніка” і пераможцаў Міжнароднага конкурсу “Прыгажосць Божага свету”. Узнагароджвалі прызёраў конкурсу Свяцейшы Патрыярх Маскоўскі і ўсяе Русі Кірыл і старшыня Савета Федэрацыі Валянціна Матвіенка. Узнагароджанне прайшло ў межах VIII Калядных Парламенцкіх сустрэч. У намінацыі “Праваслаўная ікона” узнагароду за першае месца ва ўзроставай групе з 13 да 17 год атрымала Аліна Мусатава (16 год), праца – “Багалюбская ікона Маці Божай”, горад Гродна Рэспублікі Беларусь. Пра ўдзел у конкурсе мы пісалі раней: 1-е месца іканапіснай студыі “Пакроў” на міжнародным конкурсе “Прыгажосць Божага свету”.

Пеўчая студыя “Саборныя верабейкі” пры нядзельнай школе Свята-Пакроўскага кафедральнага сабора г. Гродна пад упраўленнем рэгента Лізаветы Айкян стаў уладальнікам звання Лаўрэата ІІІ ступені ХХІ Маскоўскага міжнароднага дзіцяча-юнацкага конкурсу на найлепшае выкананне духоўнай музыкі “Калядная песня”, які прайшоў у Маскоўскім доме кампазітараў 15 студзеня 2020 года ў межах Маскоўскага міжнароднага музычнага фестывалю “Мы за мір!”, прысвечанага 75-годдзю перамогі ў Вялікай Айчыннай вайне.

Всенощное бдение 09.02.2020 - pdf

Всенощное бдение 09.02.2020 - word

2 лютага 2020 года лектарам ва Універсітэце сямейных ведаў “Радзіна” пры Свята-Пакроўскім саборы выступіла кандыдат псіхалагічных навук Ганна Янчый. Тэма размовы: “Псіхалагічныя асаблівасці рамантычных адносінаў у юнацкім узросце”.

27 студзеня 2020 года экскурсаводы горада Гродна прынялі запрашэнне настаяцеля Свята-Пакроўскага кафедральнага сабора горада Гродна і прыйшлі на экскурсію. Айцец Георгій асабіста падзяліўся ведамі пра гісторыю храма, іконы, падняўся на званіцу, пазнаёміў з планамі па стварэнні ўнікальнай музейнай зоны.