Новости

У Пакроўскім саборы малітоўна ўшанавалі памяць першага настаяцеля храма айца Кірыла Зайца і расстраляных у 37-м годзе прадстаўнікоў беларускай культуры

29 кастрычніка 2019 года ў Свята-Пакроўскім кафедральным саборы горада Гродна духавенства і прыхаджане малітоўна ўшанавалі памяць першага настаяцеля храма (1918—1922 гг.) протаіерэя Кірыла Зайца. Айцец Кірыл спачыў 28 кастрычніка 1948 года ў Карлагу (пас. Далінка). Дзень яго смерці супаў з трагічнай датай у гісторыі беларускай культуры. У ноч з 29-га на 30-га кастрычніка 1937 года, у падзямеллях мінскай турмы НКУС былі расстраляны больш за сто прадстаўнікоў інтэлектуальнай эліты БССР – літаратараў, дзяржаўных дзеячоў і вучоных.

Фільм “За імя маё” абмеркавалі ў кінаклубе Пакроўскага сабора

27 кастрычніка 2019 года ў кінаклубе Свята-Пакроўскага кафедральнага сабора горада Гродна прайшоў паказ і абмеркаванне кароткаметражнага фільма Марыі Можар “За імя маё”. У аснове сюжэта – рэальная гісторыя дзяўчынкі Любы Косцінай, што нарадзілася ў нямецкім канцлагеры.

“Феномен няроўнасці як філасофская і сацыяльная праблема” – лекцыю ва Універсітэце сямейных ведаў “Радзіна” правяла філосаф Сняжана Семярнік

27 кастрычніка 2019 года ва Універсітэце сямейных ведаў “Радзіна” пры Свята-Пакроўскім кафедральным саборы горада Гродна лекцыя кандыдата філасофскіх навук, дацэнта кафедры філасофіі ГрДзУ імя Янкі Купалы Сняжаны Семярнік адкрыла новы сезон сустрэч. Тэма выступлення: “Феномен няроўнасці як філасофская і сацыяльная праблема”.

Матывацыйны спікер Аляксей Талай выступіў у Пакроўскім саборы з трэнінгам "Я выбіраю жыць"

23 кастрычніка 2019 года ў актавай зале Свята-Пакроўскага кафедральнага сабора выступіў вядомы ў свеце матывацыйны спікер, Майстар Спорту, шматразовы Рэкардсмен Свету і Еўропы ў складзе Нацыянальнай Паралімпійскай зборнай Беларусі па плаванні Аляксей Талай. У 16 год Аляксей згубіў рукі і ногі. Зараз - бацька 4 дзяцей, прадпрымальнік.

Пра асаблівасці нефармальных зносінаў падлеткаў распавяла ва ўніверсітэце сям’і “Радзіна” кандыдат педагагічных навук Марына Салтыкова-Ваўковіч

20 кастрычніка 2019 года ва Універсітэце сямейных ведаў “Радзіна” пры Свята-Пакроўскім кафедральным саборы горада Гродна адбылася адукацыйная размова: “Сфера нефармальных зносінаў як фактар сацыялізацыі падлеткаў”. Лектарам выступіла дацэнт кафедры педагогікі дзяцінства ГрДзУ імя Янкі Купалы, кандыдат педагагічных навук Марына Салтыкова-Ваўковіч.

Фільм “Сэрца на бетоне” абмеркавалі ў кінаклубе Пакроўскага сабора

20 кастрычніка 2019 года ў кінаклубе Свята-Пакроўскага кафедральнага сабора горада Гродна прайшоў паказ дакуметальнага фільма “Сэрца на бетоне” казахскага рэжысёра Рубена Казарана. Першы паказ фільма прайшоў у г. Алматы ў лютым 2019 года ў Kazarian Art Center. Дакументальны фільм “Сэрца на бетоне” быў адзначаны на 2-х кінафестывалях у Расіі і на Украіне.

Нядзельныя пропаведзі. Пакроўскі сабор, Нядзеля 18-я па Пяцідзесятніцы

20 кастрычніка 2019 года ў Нядзелю 18-ю па Пяцідзесятніцы пропаведзі ў Свята-Пакроўскім саборы горада Гродна прамовілі іерэй Міхаіл Перац (ранняя літургія) і настаяцель храма протаіерэй Георгій Рой (на позняй Боскай літургіі).

Клірык і бібліятэкар Пакроўскага сабора прынялі ўдзел у праваслаўнай кніжнай выставе-форуме “Радасць Слова”

16-17 кастрычніка 2019 года па благаславенні мітрапаліта Мінскага і Заслаўскага Паўла, Патрыяршага Экзарха ўсяе Беларусі, у горадзе Мінску прайшла праваслаўная кніжная выстава-форум “Радасць Слова”. Гэта масштабны асветніцкі праект Выдавецкай Рады Рускай Праваслаўнай Царквы, які па благаславенні Свяцейшага Патрыярха Маскоўскага і ўсяе Русі Кірыла рэалізуецца больш за 8 год у розных краінах.

Праваслаўная моладзь з Мінска прадставіла ў гасцях у Свята-Сафійскага брацтва спектакль "Да пабачэння, роў"

13 кастрычніка ў актавай зале Свята-Пакроўскага кафедральнага сабора адбылася выдатная сустрэча з мінскім маладзёвым брацтвам у гонар Ісаака Сірына пры храме Богаяўлення і яго кіраўнікамі. Госці прыехалі не з пустымі рукамі. Імі быў прывезены цікавы спектакль па аднайменнай аповесці К. Сергіенка "Да пабачэння, роў".

“Хрысціянскае разуменне сям’і…” – ва Універсітэце сямейных ведаў “Радзіна” выступіла ўрач-педыятр Наталля Жалезная

13 кастрычніка 2019 года ва Універсітэце сямейных ведаў “Радзіна” пры Свята-Пакроўскім кафедральным саборы горада Гродна тэматычную сустрэчу “Хрысціянскае разуменне сям’і. Божая задума пра чалавека. Адносіны ў сужэнстве” правяла ўрач, кіраўнік сямейнага цэнтра “Рамонак” і выкладчык МРП Наталля Жалезная.

Старонкі

Subscribe to RSS - Новости