11-12 кастрычніка 2019 года прайшла першая сямейная сустрэча ў нядзельнай школе пры Свята-Пакроўскім кафедральным саборы горада Гродна, прысвечаная наступнаму прастольнаму свята Пакрова Прасвятой Багародзіцы. Сустрэча была арганізавана па благаславенні настаяцеля протаіерэя Георгія Роя і прадстаўляла сабой майстар-клас па вырабе карціны з шэрсці пад кіраўніцтвам выкладчыка нядзельнай школы Алены Макарэвіч і дырэктара нядзельнай школы Юліі Барадзінчык.

8 верасня 2019 года настаяцель Свята-Пакроўскага кафедральнага сабора горада Гродна, кіраўніцтва і педагогі прыходскай нядзельнай школы сустрэліся з бацькамі-прыхаджанамі. Пасля азнаямляльнай размовы ў актавай зале бацькам паказалі класы, у якіх непасрэдна і ствараецца неабходная атмасфера хрысціянскіх зносінаў як для дзяцей, так і для дарослых.

19 мая 2019 года, у Нядзелю 4-ю па Вялікадні, пра паралізаванага, у дзень памяці праведнага Іава Шматпакутнага,сацыяльная служба Свята-Пакроўскага кафедральнага сабора горада Гродна і прыходская школа пасля Боскай літургіі у Вольгінскім храме адправіліся з велікодным віншаваннем у Дзяржаўную ўстанову сацыяльнага абслугоўвання «Гродзенскі дом-інтэрнат для састарэлых і інвалідаў».

5 мая 2019 года ў адным з класаў нядзельнай школы Свята-Пакроўскага кафедральнага сабора горада Гродна вядомая праваслаўная паэтка Алена Якімава падзялілася з выхаванцамі школы Велікоднай радасцю сваёй паэзіі.

Няма больш светлага і радаснага свята, чым Вялікдзень. Светлае Ўваскрасенне Хрыстова! Надзея і спадзяванне хрысціянаў! Больш за дзве тысячы гадоў таму Хрыстос праз пакуты за нас, якія Сам прыняў, паказаў нам дарогу да Вечнага жыцця. І больш за дзве тысячы гадоў мы чакаем гэты светлы дзень, рыхтуемся да яго.