31 сакавіка 2019 года ва Універсітэце сямейных ведаў “Радзіна” пры Свята-Пакроўскім кафедральным саборы горада Гродна тэарэтычнымі ведамі і практычным досведам з бацькамі-прыхаджанамі падзялілася ўрач, кіраўнік сямейнага цэнтра “Рамонак”  і выкладчык МРП Наталля Жалезная. Тэма размовы – "Сіндром падвышанай узбудлівасці і гіперактыўнасці. Няздольнасць доўга канцэнтравацца. Дэфіцыт увагі. Што рабіць? Як прадухіліць? Энурэз ў дзіцячым узросце".

26 сакавіка 2019 года вучні нядзельнай школы Пакроўскага сабора наведалі музей гісторыі пажарнай службы. У музеі прадстаўлены розныя этапы развіцця айчыннай пажарна-ратаўнічай справы, пачынаючы з сярэднявечча і ажно да сённяшніх баявых будняў ратаўнікоў.

24 сакавіка 2019 года ў Свята-Пакроўскім кафедральным саборы горада Гродна адслужылі першую ў гэтым Вялікім посце Пасію. Пасля чытання 26 і 27 раздзелаў паводле Матфея пропаведзь прамовіў а. Уладзімір.

21 сакавіка ў Шчучынскай раённай бібліятэцы імя Цёткі прайшоў Дзень праваслаўнай кнігі “Пачуць мудрых палымянае слова”. У ліку запрошаных гасцей былі клірык Свята-Пакроўскага сабора г. Гродна, загадчык сектара прыходскіх бібліятэк Аддзела рэлігійнай адукацыі і катэхізацыі Гродзенскай епархіі протаіерэй Уладзімір Барысевіч, бібліятэкар Свята-Пакроўскага сабора г. Гродна Тарас Надзея Аляксандраўна.

17 сакавіка 2019 года, у Нядзелю Перамогі Праваслаўя, у Свята-Пакроўскім кафедральным саборы горада Гродна адбыўся Велікапосны канцэрт - адроджаная традыцыя прыхода. Глыбіню ўспрымання малітоўных спеваў у выкананні Архірэйскага хору дапоўнілі духоўныя разважанні, тлумачэннi гісторыі і сэнсу твораў ад вядучага канцэрта протаіерэя Уладзіміра Пятручыка.