28 студзеня 2020 года ў Маскве, у Савеце Федэрацыі прайшло ўзнагароджанне пераможцаў Усерасійскага конкурсу “За маральны подзвіг настаўніка” і пераможцаў Міжнароднага конкурсу “Прыгажосць Божага свету”. Узнагароджвалі прызёраў конкурсу Свяцейшы Патрыярх Маскоўскі і ўсяе Русі Кірыл і старшыня Савета Федэрацыі Валянціна Матвіенка. Узнагароджанне прайшло ў межах VIII Калядных Парламенцкіх сустрэч. У намінацыі “Праваслаўная ікона” узнагароду за першае месца ва ўзроставай групе з 13 да 17 год атрымала Аліна Мусатава (16 год), праца – “Багалюбская ікона Маці Божай”, горад Гродна Рэспублікі Беларусь. Пра ўдзел у конкурсе мы пісалі раней: 1-е месца іканапіснай студыі “Пакроў” на міжнародным конкурсе “Прыгажосць Божага свету”.

9 лютага 2020 года ва Універсітэце сямейных ведаў “Радзіна” пры Свята-Пакроўскім кафедральным саборы горада Гродна для прыхаджанаў-бацькоў і грамадскасці г. Гродна адбылася адукацыйная лекцыя “Любоў як каштоўнасць і норма жыцця” дацэнта, кандыдата філасофскіх навук Сняжаны Семярнік.

2 лютага 2020 года лектарам ва Універсітэце сямейных ведаў “Радзіна” пры Свята-Пакроўскім саборы выступіла кандыдат псіхалагічных навук Ганна Янчый. Тэма размовы: “Псіхалагічныя асаблівасці рамантычных адносінаў у юнацкім узросце”.

26 студзеня 2020 года ў актавай залі Свята-Пакроўскага кафедральнага сабору горада Гродна студэнцкая канферэнцыя Гродзенскай міранскай багаслоўскай калегіі імя прападобнага Лявонція (Карповіча) архімандрыта Віленскага сабрала выкладчыкаў, студэнтаў і зацікаўленых прыхажан.

26 студзеня 2020 года ў Нядзелю 32-ю па Пяцідзесятніцы пропаведзі ў Свята-Пакроўскім саборы горада Гродна прамовілі іерэй Міхаіл Перац (ранняя літургія) і протаіерэй Георгій Рой (на позняй Боскай літургіі).