“Сімвал веры” + аўдыё і відэа

Сімвал веры

1 Верую ў Адзiнага Бога Айца, Уседзяржыцеля, Тварца неба i зямлi, усяго бачнага и нябачнага. 2 I ў адзiнага Госпада Iiсуса Хрыста, Сына Божага, Адзiнароднага, ад Айца народжанага перад усiмi вякамi; Святло ад Святла, Бога iсцiннага ад Бога iсцiннага, народжанага, не створанага, адзiнасутнага з Айцом, праз Якога ўсё сталася. 3 Якi дзеля нас, людзей, i дзеля нашага збаўлення сышоў з нябёс i ўцялеснiўся ад Духа Святога i Дзевы Марыi, i стаў чалавекам. 4 Быў распяты за нас пры Понцii Пiлаце, i пакутаваў, i быў пахаваны. 5 I ўваскрэс на трэцi дзень згодна з Пісаннем. 6 I ўзышоў на нябёсы, i сядзiць праваруч Айца. 7 I зноў прыйдзе ў славе судзiць жывых i мёртвых, i Яго Царству не будзе канца. 8 I ў Духа Святога, Госпада, Жыватворчага, што ад Айца зыходзiць, што з Айцом i Сынам разам пакланяемы i славiмы, што гаварыў праз прарокаў. 9 У адзiную Святую Саборную i Апостальскую Царкву. 10 Вызнаю адно хрышчэнне для адпушчэння грахоў. 11 Чакаю ўваскрасення мёртвых 12 i жыцця будучага веку. Амiнь.

Сімвалам веры называецца кароткі і дакладны выклад асноў хрысціянскага веравучэння, складзены і зацверджаны на 1-м і 2-м Усяленскіх Саборах. Сімвал веры – не малітва, а слоўнае вызнанне веры.

Увесь Сімвал Веры складаецца з дванаццаці членаў (сказаў), і ў кожным з іх утрымліваецца богаадкравенная ісціна ці догмат праваслаўнай веры.

У 1-м члене гаворыцца пра Бога Айца, у 2-7 – пра Бога Сына, у 8-м – пра Духа Святога, у 9-м – пра Царкву, у 10-м – пра хрышчэнне, у 11-12 – пра ўваскрасенне мёртвых і вечнае жыццё.

1-й. Верую во единаго Бога Отца, Вседержителя, Творца небу и земли, видимым же всем и невидимым.	Верую ў Адзiнага Бога Айца, Уседзяржыцеля, Тварца неба i зямлi, усяго бачнага и нябачнага.
2-й. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Им же вся быша;	(Верую) і ў адзiнага Госпада Iiсуса Хрыста, Сына Божага, Адзiнароднага, ад Айца народжанага перад усiмi вякамi; Святло ад Святла, Бога iсцiннага ад Бога iсцiннага, народжанага, не створанага, адзiнасутнага з Айцом, праз Якога ўсё сталася;
3-й. Нас ради человек и нашего ради спасения сшедшаго с небес, и воплотившагося от Духа Свята и Марии Девы, и вочеловечшася;	Якi дзеля нас, людзей, i дзеля нашага збаўлення сышоў з нябёс i ўцялеснiўся ад Духа Святога i Дзевы Марыi, i стаў чалавекам;
4-й. Распятаго же за ны при Понтийстем Пилате, и страдавша, и погребенна;	Быў распяты за нас пры Понцii Пiлаце, i пакутаваў, i быў пахаваны;
5-й. И воскресшаго в третий день, по Писанием;	I ўваскрэс на трэцi дзень згодна з Пісаннем.
6-й. И восшедшаго на небеса, и седяща одесную Отца;	I ўзышоў на нябёсы, i сядзiць праваруч Айца;
7-й. И паки грядущаго со славою судити живым и мертвым, Егоже Царствию не будет конца.	I зноў прыйдзе ў славе судзiць жывых i мёртвых, i Яго Царству не будзе канца.
8-й. И в Духа Святаго, Господа Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки.	(Верую) і ў Духа Святога, Госпада, Жыватворчага, што ад Айца зыходзiць, што з Айцом i Сынам разам пакланяемы i славiмы, што гаварыў праз прарокаў.
9-й. Во Едину, Святую, Соборную и Апостольскую Церковь.	(Верую) у адзiную Святую Саборную i Апостальскую Царкву.
10-й. Исповедую едино Крещение во оставление грехов.	Вызнаю адно хрышчэнне для адпушчэння грахоў.
11-й. Чаю воскресения мертвых.	Чакаю ўваскрасення мёртвых.
12-й. И жизни будущаго века. Аминь.	І жыцця будучага веку. Амiнь.

Единороднаго – адзінага; прежде всех век – раней за ўсякі час, ад веку;
единосущна Отцу – Таго, які мае аднолькавую існасць (прыроду) з (Богам) Айцом;
Им же вся быша – і Ім, гэта значыць Сынам Божым, усё створана;
воплотившагося – Таго, Хто прыняў на Сябе цела чалавечае;
вочеловечшася – Таго, Хто зрабіўся чалавекам, падобным да нас, але не перастаў быць Богам;
воскресшаго – Таго, Які ажыў:
поПисанием–згодга са Свяшчэнным Пісаннем, дзе прарокі прадказалі, што Ён уваскрэсне з мёртвых у трэці дзень;
восшедшаго – Таго, Які ўзнёсся;
одесную – праваруч Бога Айца;
паки – зноў, у другі раз;
мертвых – памерлых, якія тады ўваскрэснуць;
Его же Царствию не будет конца – пасля суду будзе бесканечнае Яго Царства;
Животворящаго – Таго, Які дае жыццё;
спокланяема и сславима – Духу Святому трэба пакланяцца і праслаўляць Яго нароўні з Айцом і Сынам, г. зн. Дух Святы роўны Богу Айцу і Богу Сыну;
Глаголавшаго пророки – Дух Святы гаварыў праз прарокаў;
Соборную – Тую, дзе пануе згода, адзінадушша, якая ахоплівае людзей з усяго свету;
исповедую – адкрыта прызнаю словам і справаю;
чаю – чакаю;
И жизни будущаго века – настане пасля ўсеагульнага суду вечнае жыццё.

Інтэрнэт-партал Азбука веры.

“Сімвал веры” як падмурак царкоўнага жыцця любога верніка патрабуе ад кожнага хрысціяніна пастаяннага творчага асэнсавання. Прапануем Вашай увазе цыкл адукацыйных размоў протаіерэя Аляксандра Глебава: