12 лістапада 2011 пры Свята-Пакроўскім кафедральным саборы г. Гродна пачало сваю працу таварыства цвярозасці “Пакроўскае”. Таварыства стваралася па ініцыятыве людзей, што пакутуюць на алкагалізм. Рэабілітацыйная дзейнасць таварыства заснавана на праваслаўным светапоглядзе і духоўным досведзе барацьбы са страсцямі, які належыць спадчыне святых айцоў. Члены таварыства прымаюць зарокі цвярозасці і актыўна ўдзельнічаюць у богаслужбова-літургічным жыцці абшчыны Свята-Пакроўскага сабора. З 2011 па 2020 год рэабілітацыйную праграму прайшлі каля 105 чалавек, сярод якіх – тыя, хто пакутаваў ад залежнасцяў, а таксама іх сваякі.
instagram -trezvost_pokrovskoe
Расклад сустрэч:
- Нядзеля а 17:00 (Малітоўнае чытанне акафіста перад іконай Божай Маці “Няўпіўная Чаша” у Свята-Вольгінскім храме, заняткі ў прыходскім доме насупраць сабора)
- Серада а 18:30 (Заняткі ў прыходскім доме насупраць сабора)
Духаўнік таварыства – іерэй Міхаіл Перац, e-mail: pma@prihod.info
- +37529 58 446 58 - стараста таварыства Мікалай
- +37529 785 73 45 - намеснік старасты таварыства Русцік
Асноўныя прынцыпы праваслаўнай праграмы рэабілітацыі ад залежнасцяў
- Рэабілітацыя заснавана на праваслаўным светапоглядзе.
- Базаванне душаапекавальнай практыкі на рэлігійна-філасофскай і псіхалагічнай спадчыне святых айцоў.
- Непрыняцце акультна-містычных тэхнік (праграмаванне, кадзіраванне, гіпноз, медытацыя, рэбёфінг, ёга ды іншыя метады ўздзеяння на падсвядомасць), якія зводзяць богападобную сутнасць чалавека да ўзроўню машыны або біяробата і якія звязаны з гвалтам над асобай чалавека, хлуснёй, прытворствам.
- Пастырскае акармленне: пастырскія суразмовы і пропаведзі; заняткі ў групе па вывучэнні Свяшчэннага Пісання і найбагацейшага царкоўнага досведу па барацьбе са страсцямі; далучэнне да царкоўнага жыцця: Святыя Таінствы Хрышчэння, Споведзі, Прычасця, Ялееасвячэння.
- Літургічнае жыццё, служэнне малебнаў, паломніцкія паездкі па святых мясцінах; духоўная рэабілітацыя і ўцаркаўленне ва ўмовах рэабілітацыйнай абшчыны (праваслаўнага таварыства цвярозасці).