З 2016 года пры Пакроўскім саборы дзейнічаюць курсы старажытнагрэцкай мовы, пераўтвораныя з 2018 года ў спецкурс “Асновы новагрэцкай мовы”. Курсамі кіруе выпускнік багаслоўскага факультэта афінскага ўніверсітэта Коваль Яўгеній Уладзіміравіч. На курсах вывучаюцца асновы сучаснай размоўнай грэцкай мовы, адпрацоўваюцца навыкі чытання ўрыўкаў Евангелля на новагрэцкай мове, а таксама адбываецца знаёмства з сучасным мультымедыйным інструментарыем для вывучэння тэкстаў Новага Запавету. Штогадовы набор 15-20 чалавек.