Духавенства і прыхаджане Пакроўскага сабора адзначылі Дзень беларускага пісьменства чытаннем акафіста Скарыны ў Ніжняй царкве Старога Замка

9 верасня 2018 года ў межах святкавання Дня беларускага пісьменства свяшчэннікі Пакроўскага кафедральнага сабора адслужылі на мове арыгінала акафіст «Пресладкому їмени Господа нашего Іісуса Хріста», складзенага Францыскам Скарынай. Чытанне, якое адбылося на тэрыторыі Старога Замка на руінах Ніжняй замкавай царквы, узначаліў протаіерэй Георгій Рой. Настаяцелю сабора саслужылі протаіерэй Уладзімір Пятручык, протаіерэй Уладзімір Барысевіч, іерэй Павел Каспяровіч, дыякан Барыс Барадзінчык.

Богаслужэбныя спевы выканалі чальцы Архіерэйскага хора Пакроўскага сабора пад кіраўніцтвам Юліі Шэпелевай. Да малітвы далучыліся вернікі гродзенскіх храмаў.

У мінулым годзе чытанне скарынаўскага акафіста на месцы Ніжняй замкавай царквы адбылося ўпершыню:

Глядзіце навіны жыцця сабора на  www.youtube.com/c/СвятоПокровскийсоборГродно.

Мікалай БАЙДА